كيف تحصل على المال عن طريق صناعه البرمجيات
فى عالمنا العربى وخاصا بالدول الفقيره، يجد الشباب الصعوبه فى الحصول على فرص عمل براتب مجزى . بل هناك من لم يجد عمل من الاساس ، اذا كنت واحد من الناس دى .. اعتقد انى عندى الحل.
الحل هو انك بدل ما تدور على فرصه عمل فى شركه ، انت ممكن تصنع شركتك الخاصه . من غير رأس مال .. ولكن هتتعب شويه.
طيب ازاى نعمل الكلام دا ... الاول شوف انت قدراتك ايه ، والناس محتاجه ايه . وتعمله...
والخبر الجيد اننا عندنا فرصه كبيره جدا فى العالم العربى بالاخص فى صناعه التطبيقات على الموبايل ، نظرا لقله المبرمجين وكثره مستخدمين الهواتف فهذه تعتبر فرصه رائعه.
طيب ازاى نكسب من الموضوع دا .... اولا زى ما انت عارف ان العالم كله يتجه الى الهواتف الذكيه مثل Blackberry, iPhone and Droid ودا بيدى فرصه كبيره للمبرمجين انهم يكونوا اغنياء فى وقت قليل.
ما هو الاندرويد:-
الاندرويد هو نظام تشغيل طورته شركه مجهوله صغيره لتشغيل الهواتف المحموله مبنى على Linux Kernal . ولكن بعد ذلك قامت شركه جوجل بشراء هذه الشركه و اعلنت بأنهم سوف يصنعون اول نظام تشغيل للمحمول مفتوح المصدر وفى 2007 تم الاعلان عن اتحاد ضم عدد من الشركات اطلق عليها اسم Open Handsete Alliance ، وكان اندرويد هو أول مشروع تم الاعلان عنه من هذه المجموعه وكانت تضم عدد كبير من الشركات الضخمه منها :
Google , HTC,Intel,LG,Motorla,Nvidia,Samsung ,Sony Ericsson ,Toshipa وغيرها.
- هناك تقريبا 80% من البشر يستخدمون الهواتف المحموله يعنى تقريبا 5 مليار موبايل فون حول العالم
- هناك 91.4 مليون هاتف ذكى فى الولايات المتحده فقط
- هناك 1.08 مليار مستخدم هاتف ذكى فى العالم
- نظام التشغيل الاندرويد يقع على رأس القائمه من مستخدمين الهواتف الذكيه وهى بنسبه 46.9 % حيث الاى فون بنسبه 28.7%
- اكثر 10 دول تستخدم الهواتف الذكيه هم :-
- Singapore – 54%
- Canada – 39%
- Hong Kong – 35%
- Sweden – 35%
- Spain – 35%
- USA – 35%
- Australia – 33%
- Norwary – 33%
- New Zealand – 32%
- Denmark – 31%
وزى ما انت ملاحظ ان مفيش ولا دوله عربيه فى القائمه .. ودى تعتبر فرصه جيده لأنها سوف تكون صناعه المستقبل والفرصه لسه مضاعتش.
العالم يصرف على الاعلانات فى الموبايل 3.3 مليار دولار فى 2011 وهناك اعتقادات ان هذا الرقم سوف يكون 20.6 مليار دولار فى سنه 2015 .
هناك اكثر من 300,000 موبايل ابلكيشن تم تطويرهم فى خلال 3 سنوات وتم تنزيلهم 10.9 مليار مره
طيب ازاى بقى تكسب من الموضوع دا ..
كل ما عليك هو انك تتعلم وبعدين تجيب فكره تطبيق جيده ثم تقوم بنشر التطبيق فى الاندرويد ماركت .. على كل تحميل يحدث لبرنامجك هتاخد منه 1 دولار .. يعنى لو نزله 10,000 واحد بس .. هتكسب منه 10,000 دولار يعنى 60 ألف جنيه مصرى.
وطبعا هناك طرق كثيره اخرى غير دا تقدر تكسب بيها عن طريق تطبيقك.
دلوقتى نبدأ الخطوه الاولى .. وهى التعلم ، ولكن قبل هذه الخطوه لازم يكون عندك أراده قويه و اصرار على التعلم وطبعا التوكل على الله.
طيب دلوقتى بقى نتعلم ازاى ... فى كذا طريقه .. ممكن تاخد كورس فى مركز .. وممكن تتعلم عن طريق الانترنت.
لو انت جيد فى اللغه الانجليزيه .. هتلاقى كورسات كتير فيديو شرح للأندرويد بالغه الانجليزيه ، لكن بالنسبه للغه العربيه .. للأسف هناك بعض الناس بدأو شرح للأندرويد ولكن لم يكملوه .. وهذا هو الحال فى العالم العربى كله .. لا أحد يكمل ما بدأ .
تعليقات
إرسال تعليق