السلام عليكم ورحمة الله وبركاته
✌هنتكلم النهارده عن أقسام كلية الحاسبات والمعلومات الرئيسية وهنحاول نخليهم فى بوست واحد ونختصر على قد ما نقدر علشان محدش يتشتت قبل ما نبدأ في ملحوظتين صغيرتين:
◄المفروض ان احنا هنتكلم ان شاء الله عن الأقسام اللى موجودة فى أغلب كليات الحاسبات والمعلومات وهما 3 -> علوم الحاسب (CS) ، نظم المعلومات (IS) ، تكنولوجيا المعلومات (IT)
◄تانى حاجة أى حد بيخش الكلية بيتخصص فى الأقسام دى فى سنة تالتة فى بعض الكليات زى القاهرة وحلوان وفى بيتخصص فى رابعة فى البعض الآخر زى عين شمس.
نبدأ على بركة الله
▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬
◄قسم علوم الحاسب 'Computer Science':
القسم ده لا يعتمد بشكل أساسى على تأسيس مجرد مُبرمج أو مُطور مُلِمّ بلغات البرمجة بأنواعها المختلفة Web, Mobile, Desktop, etc لأن فى الواقع انت بتدرس ازاى اللغات دى بتشتغل وبتعرف ازاى بتتعمل بالإضافة انك بتعرف ازاى أجزاء الـMachine اللى قدامك بتتبرمج وتشتغل وتتفاعل مع المستخدمين والحاجة المهمة هنا بقى انك بتدرس Algorithms , Software Engineering وهى دى اللى بتفرقك عن أى مبرمج عادى لأنك بتكون قادر تنتج Software بمعايير وجودة معينة وده اللى بيفرقك فى شغلك فى الشركات الكبيرة وكل ده يؤهلك أنك تكون "Researcher" مش بس "Software Developer" وللعلم انها إحدى أهم الوظائف فى العالم
المجالات العلمية للقسم: http://goo.gl/pXEovC
▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬
◄قسم نظم المعلومات 'Information Systems':
هنا دراستك بتركز على حاجات مهمة جداً ومطلوبة فى سوق العمل. بتدرس برمجة قواعد البيانات بتعمق زى SQL وكيفية تصميمها وتحليلها وازاى تتعامل مع البيانات الضخمة "Big data" للشركات والبنوك والمؤسسات وتقدر تخزنها وتحتويها فى النظام وكيفية إدارتها بشكل فعّال إلى جانب دراسة بعض لغات البرمجة خاصةً برمجة الويب والموبايل Apps. ومن خلال الـSystem Analysis بتقدر تدرس وتحلل النظام بالكامل قبل مرحلة الـDeveloping والـImplementation، بالإضافة أنك بتدرس مجالات زى التجارة الالكترونية ومواد إدارية بتعرفك إزاى تتعامل مع سوق العمل وممكن تتخصص فى المجال ده بعد كده وأى قسم ممكن تشتغل وانت قاعد ف البيت Freelancer
👌المجالات العلمية للقسم: http://goo.gl/r9kkHg
▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬
◄قسم تكنولوجيا المعلومات 'Information Technology':
القسم ده ميزته ان مجالاته واسعة وشغله كويس وهنا بتعرف شوية هاردوير يعنى مكونات الجهاز اللى قدامك والمعمارية بتاعته وكل جزء شغال ازاى وممكن تتطرق للـEmbedded system وبرمجته وتطويره والتحكم فيه سواء بسلك أو عن بعد وبتدرس مواد زى الـRobotics.
بتدرس بعض لغات البرمجة المهتمة بتطوير برمجيات الويب والموبايل أيضاً.
فى مجال الـImage processing - معالجة الصور والتعرف على الأنماط "Patterns" وبتدرس فيه Computer Graphics إلى جانب كورسات أخرى مهمة وشيقة.
من أهم المجالات بقى فى القسم ده الشبكات "Networking" ومن خلالها بتعرف ازاى تكوَّن شبكة وتعمل على إدارتها وصيانتها ضد الأعطال والتحكم فى المستخدمين وتأمينها .. بتدرس "Security" علشان تأمن مش تخترق
😜، القسم ليه مستقبل كويس جدا خاصة بعد إنتشار مجال الCloud computing.المجالات العلمية للقسم: http://goo.gl/KA6F8Z
-فى كورسات من شركة Cisco فى المجال ده موجودة مجاناً بالعربى هتنزل فى بوست منفصل إن شاء الله.
▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬
ده تسجيل لدكاترة من حاسبات حلوان بيتكلموا فيه عن الأقسام المختلفة
هيفيدكم جداً
: https://soundcloud.com/onlinefcih/onlineلو أى استفسار ابعتولنا على الصفحة او الايميل او فى الكومنتات.
فى البوستات القادمة بإذن الله هنتكلم عن الأقسام الفرعية ونصائح هامة جداً
✋ ومجالات العمل._____________________________________
#FCI #FCIH
#ثانوية_عامة #تنسيق #حاسبات
تعليقات
إرسال تعليق